Wed. Jul 8th, 2020

Bharat News Agency

The News Agency of India

એક્ટ્રેસ કોઈના મિત્રાએ કહ્યું બોલિવૂડમાં સુશાંત સાથે થયો આવો ભેદભાવ

1 min read

સુશાંત સિંહ રાજપૂતે કરી આત્મહત્યા

બોલિવૂડના જાણીતા યુવા એક્ટર સુશાંત સિંહ રાજપૂતે મુંબઈ સ્થિત પોતાના ફ્લેટમાં આત્મહત્યા કરી છે. સુશાંત સિંહ રાજપૂતે ગળેફાંસો લગાવીને આત્મહત્યા કરી હોવાનું જાણવા મળ્યું છે. સુશાંત સિંહ રાજપૂતની ઉંમર માત્ર 34 વર્ષ હતી. સુશાંત સિંહ રાજપૂતનો જન્મ તારીખ 21 જાન્યુઆરી, 1986ના રોજ બિહારમાં થયો હતો અને તારીખ 14 જૂન, 2020ના રોજ તેણે મુંબઈમાં આત્મહત્યા કરી લીધી છે. સુશાંત સિંહ રાજપૂતની જાણીતી ફિલ્મોમાં ‘કાઈ પો છે’, ‘શુદ્ધ દેસી રોમાન્સ’, ‘એમ.એસ.ધોની: ધ અનટોલ્ડ સ્ટોરી’, ‘કેદારનાથ’, ‘છિછોરે’ અને ‘સોનચિડીયા’નો સમાવેશ થાય છે.

કોઈના મિત્રાએ બોલિવૂડ પર સાધ્યું નિશાન

હાલમાં જ એક ઈન્ટરવ્યૂમાં બોલિવૂડ એક્ટ્રેસ કોઈના મિત્રાએ સુશાંત સિંહ રાજપૂતના મોત પર બોલિવૂડને નિશાન સાધતા કહ્યું કે આ બોલિવૂડ ઈન્ડસ્ટ્રીએ સુશાંત સિંહ રાજપૂતને આઉટસાઈડર તરીકે ટ્રીટ કર્યો. સુશાંત દેખાવડો એક્ટર હતો અને તેની સારી એવી ફિલ્મો સફળ રહી હતી. પણ મેં ક્યાંક વાંચ્યું હતું કે સુશાંતને આઉટસાઈડર તરીકે ટ્રીટ કરવામાં આવતો હતો. તેને પાર્ટીઓ અને લગ્નમાં આમંત્રિત કરવામાં નહોતો આવતો. ઘણાં લોકોએ આ અનુભવ કર્યો છે.

સુશાંત સાથે આઉટસાઈડર તરીકે વ્યવહાર

એક્ટ્રેસ કોઈના મિત્રાએ વધુમાં જણાવ્યું કે જ્યાં સુધી તમારો પરિવાર બોલિવૂડ સાથે સંબંધ નથી ધરાવતો ત્યાં સુધી બોલિવૂડ તમને પરિવારની માફક ટ્રીટ નહીં કરે. કોઈને પણ એવું કહેવાનો અધિકાર નથી કે સુશાંત નબળો હતો અને હારી ગયો હતો. બોલિવૂડમાં હવે આર્ટ કરતા વધુ પોપ્યુલર ફેશન અને લાઈફસ્ટાઈલ છે. અહીં નેપોટિઝમ છે અને ઘણાં લોકો તમારું કામ ઝૂંટવી લેવા માટે બેઠા છે.

કરણ જોહર પર નિશાન સાધતા કહ્યું કે…

કોઈના મિત્રાએ વધુમાં જણાવ્યું કે સુશાંત સિંહ રાજપૂત ટીવી સ્ટાર હતો એટલે લોકો તેની મજાક ઉડાવતા હતા. આજે તે લોકો તેના મોત પર શોક વ્યક્ત કરે છે. કેટલાંક લોકો ઘણાં વર્ષો પહેલા પ્રિયંકાનું કરિયર ખતમ કરવા માગતા હતા પણ તે સ્માર્ટ હતી. તે આ બધામાંથી બહાર આવી ગઈ. કોઈના મિત્રાએ કરણ જોહર પર નિશાન સાધતા કહ્યું કે કરણ જોહરની પાસે બોલિવૂડનું લાઈસન્સ નથી. એ વાત કોઈ નક્કી કરી શકે નહીં કે કોણ અહીં કામ કરશે અને કોને રિજેક્ટ કરવા જોઈએ.

Leave a Reply

Your email address will not be published. Required fields are marked *

Copyright © All rights reserved to Bharat News Agency | Newsphere by AF themes.