Wed. Jul 8th, 2020

Bharat News Agency

The News Agency of India

સુશાંત સિંહ રાજપૂતે બિહારના લોકોને આપેલું આ વચન રહી ગયું અધૂરું

1 min read

બોલિવૂડના જાણીતા યુવા એક્ટર સુશાંત સિંહ રાજપૂતે મુંબઈ સ્થિત પોતાના ફ્લેટમાં આત્મહત્યા કરી છે. સુશાંત સિંહ રાજપૂતે ગળેફાંસો લગાવીને આત્મહત્યા કરી હોવાનું જાણવા મળ્યું છે. આ સમાચાર સાંભળીને બિહારના લોકો ખૂબ જ દુ:ખી છે કારણકે સુશાંત સિંહ રાજપૂતનું ઘર અને મોસાળ બંને બિહારમાં છે. સુશાંત સિંહ રાજપૂતની ઉંમર માત્ર 34 વર્ષ હતી.

સુશાંત સિંહ રાજપૂતનો જન્મ તારીખ 21 જાન્યુઆરી, 1986ના રોજ બિહારમાં થયો હતો અને આજે તારીખ 14 જૂન, 2020ના રોજ તેણે મુંબઈમાં આત્મહત્યા કરી લીધી છે. સુશાંત સિંહ રાજપૂતની જાણીતી ફિલ્મોમાં ‘કાઈ પો છે’, ‘શુદ્ધ દેસી રોમાન્સ’, ‘એમ.એસ.ધોની: ધ અનટોલ્ડ સ્ટોરી’, ‘કેદારનાથ’, ‘છિછોરે’ અને ‘સોનચિડીયા’નો સમાવેશ થાય છે.

સુશાંત સિંહ રાજપૂત ઘણી વખત બિહારની મુલાકાતે જતો હતો. વર્ષ 2019માં સુશાંત સિંહ રાજપૂત મુંડન કરાવવા માટે બિહારના ખગડિયા સ્થિત પોતાના મોસાળ પહોંચ્યો હતો. અહીં ગામના લોકોએ સુશાંત સિંહ રાજપૂતનું સ્વાગત કર્યું હતું અને આજે સુશાંત સિંહ રાજપૂતની આત્મહત્યાના સમાચાર સાંભળીને સમગ્ર ગામમાં શોકનું વાતાવરણ છે.

સુશાંત સિંહ રાજપૂતે આ મુલાકાત દરમિયાન કહ્યું હતું કે હું બિહારનો છું અને બિહાર માટે કશું કરવા માગુ છું. આ માટે પ્રયાસ કરી રહ્યો છું. સુશાંત સિંહ રાજપૂતે વધુમાં કહ્યું હતું કે બિહારના ખગડિયાના ગામમાં તેનું મોસાળ છે અને અહીં માતાના મંદિરમાં જે માનતા માગી હતી તે પૂરી કરવા અહીં આવ્યો છે. સુશાંત સિંહ રાજપૂતના પિતરાઈ ભાઈ નીરજ કુમાર બબલૂ ભાજપના ધારાસભ્ય છે.

Leave a Reply

Your email address will not be published. Required fields are marked *

Copyright © All rights reserved to Bharat News Agency | Newsphere by AF themes.