Wed. Jul 8th, 2020

Bharat News Agency

The News Agency of India

‘બાહુબલી’ની એક્ટ્રેસની કારમાંથી મળી 100થી વધુ દારૂની બોટલ

1 min read

સાઉથની ફિલ્મોની જાણીતી એક્ટ્રેસ અને સુપરહિટ ‘બાહુબલી’ સીરીઝમાં શિવગામીનો રોલ કરનારી એક્ટ્રેસ રામ્યા કૃષ્ણન અલગ જ પ્રકારની મુશ્કેલીમાં ફસાતી જોવા મળી રહી છે. તેમની કારમાંથી ગુરુવારે 11 જૂનના રોજ 100થી વધારે દારૂની બોટલ જપ્ત કરવામાં આવી. દારૂની બોટલ જપ્ત કર્યા બાદ પોલીસ રામ્યાના ડ્રાઈવર સેલ્વાકુમારની ધરપકડ કરવામાં આવી છે.

ચેકિંગ સમયે કારમાં હતી રામ્યા
રિપોર્ટ મુજબ, જે સમયે પોલીસે રામ્યાની કારની તપાસ કરી ત્યારે એક્ટ્રેસ ત્યાં હાજર હતી. રિપોર્ટ મુજબ પોલીસ ચેકપોસ્ટ પર કારની ચેકિંગ કરી રહી હતી ત્યારે ત્યાથી પસાર થઈ રહેલી રામ્યાની ટોયોટા ઈનોવા કારને પોલીસે રોકી. એવું પણ કહેવામાં આવી રહ્યું છે કે પોલીસને ચેકિંગ દરમિયાન રામ્યાએ પૂરો સહયોગ આપ્યો હતો. કારમાંથી દારૂની બોટલ મળ્યા બાદ પોલીસે બોટલો અને કાર જપ્ત કરી.

લોકડાઉન દરમિયાન ચેન્નઈનમાં દારૂ પર પ્રતિબંધ છે
ઉલ્લેખનીય છે કે લોકડાઉન પછીથી ચેન્નઈમાં હજુ સુધી દારૂના વેચાણ પર પ્રતિબંધ છે. દારૂની દુકાનો બંધ છે અને દારૂના વેચાણ પર પ્રતિબંધ છે. પોલીસે રામ્યાના ડ્રાઈવરને જામીન પર છોડી દીધો છે. જોકે આ ઘટના પર રામ્યા તરફથી કોઈ સ્ટેટમેન્ટ સામે આવ્યું નથી.

Leave a Reply

Your email address will not be published. Required fields are marked *

Copyright © All rights reserved to Bharat News Agency | Newsphere by AF themes.